Recently Finished
Live Cricket
Upcoming Matches
View All Matches

انٹرنشینل کرکٹ کونسل نے بھارتی آل راؤنڈر امباتی رائیڈو کا بولنگ ایکشن غیرقانونی قرار دے کر انھیں بولنگ کرنے سے روک دیا ہے۔ امباتی رائیڈو کا بولنگ ایکشن 13 جنوری کو آسٹریلیا کے خلاف پہلے ون ڈے میچ کے دوران رپورٹ کیا گیا تھا۔ امباتی رائیڈو نے چودہ روز کے دوران بولنگ ایکشن ٹیسٹ کیلئے درخواست دائر نہیں کی اس لیے انھیں معطل کیا گیا۔
آئی سی سی کے بیان کے مطابق امباتی رائیڈو اس وقت تک معطل رہیں گے جب تک بائیومکینک ٹیسٹ میں کلیئر نہ ہو جائیں۔ آئی سی سی نے اپنے بیان میں مزید کہا کہ امباتی رائیڈو بی سی سی آئی کی اجازت سے ڈومیسٹک ایونٹس میں بولنگ جاری رکھ سکتے ہیں۔ بیٹسمین کی حیثیت سے کھیلنے والے امباتی رائیڈو پارٹ ٹائم بولنگ بھی کرا لیتے ہیں۔