Recently Finished
Live Cricket
Upcoming Matches
View All Matches

ڈسپلن کی خلاف ورزی کی وجہ سے عمر اکمل اور احمد شہزاد لمبے عرصے سے انٹرنیشنل کرکٹ سے دور ہیں لیکن دونوں بیٹسمینوں نے پی ایس ایل فور میں اچھی کارکردگی کا مظاہرہ کر رہے ہیں۔ کوئٹہ گلیڈی ایٹرز کے ہیڈکوچ معین خان نے ان دونوں بیٹسمینوں کی حمایت کرتے ہوئے کہا کہ عمر اکمل اور احمد شہزاد کو کوچنگ نہیں عزت دینے کی ضرورت ہے جو ان کا حق ہے۔
معین خان نے کہا کہ سب جانتے ہیں کہ یہ دونوں بہترین کھلاڑی ہیں اور اس کا ثبوت پی ایس ایل کے رواں سیزن میں ان کی کارکردگی ہے۔
معین خان نے کہا کہ کوچز کا کام صرف کرکٹ تکنیک بہتر بنانا نہیں ہے بلکہ کھلاڑیوں کو عزت بھی دینی پڑتی ہے پھر ہی وہ اچھا پرفارم کر پاتے ہیں۔ عمر اکمل اور احمد شہزاد دونوں کوئٹہ گلیڈی ایٹرز کی جانب سے کھیل رہے ہیں۔ اچھی پرفارمنس کی وجہ سے عمر اکمل کو آسٹریلیا کے خلاف ہونے والے ون ڈے سیریز کے اسکواڈ میں شامل کیا گیا ہے۔