Recently Finished
Live Cricket
Upcoming Matches
No live scores available
View All Matches

شاہد آفریدی اور مصباح الحق کے مداحوں کے درمیان سماجی رابطوں کی ویب سائٹس پر ہونے والی جنگ سے ہر کوئی واقف ہے۔ دونوں کھلاڑی جب اکٹھے کھیلتے تھے تو ہمیشہ یہ خبریں سامنے آتیں کہ مصباح اور آفریدی کے درمیان اختلافات ہیں لیکن دونوں کرکٹرز نے ہمیشہ ان خبروں کی تردید کی اور اس بات پر زور دیا کہ وہ پاکستان کرکٹ کی خدمت کر رہے ہیں اور کرتے رہیں گے۔
کئی میچز کے دوران تمام لوگوں نے اسکرینز پر دیکھا کہ مصباح اور آفریدی اکٹھے بیٹھے ہیں، ایک دوسرے سے گپ شپ کر رہے ہیں جس پر سازشیوں کو منہ کی کھانی پڑی۔ مصباح اور آفریدی ریٹائر ہوئے تو ورلڈ الیون کے دورہ پاکستان کے موقع پر دونوں کرکٹرز کو خصوصی دعوت دے کر شاندار انداز میں الوداع کہا گیا۔
شاہد آفریدی سے ایک انٹرویو میں سوال ہوا کہ اگر آپ کی فلائٹ لمبی ہے تو آپ کس ساتھی کھلاڑی کے ساتھ بیٹھنا نہیں چاہیں گے؟ شاہد آفریدی نے جواب دیا کہ وہ مصباح کے ساتھ بیٹھنا پسند نہیں کریں گے کیونکہ وہ بہت زیادہ باتیں کرتے ہیں۔