Recently Finished
Live Cricket
Upcoming Matches
No live scores available
View All Matches

پشاور زلمی کے بیٹسمینوں کے ہاتھوں جہاں کراچی کنگز کے بولرز کی جم کر پٹائی ہوئی وہیں محمد عامر نے اپنی شاندار بولنگ سے پشاور کے بیٹسمینوں کو جکڑے رکھا۔ محمد عامر نے چار اوورز کے کوٹے میں اپنے خلاف 13 گیندوں پر کوئی رن نہیں بننے دیا اور صرف 24 رنز دے کر تین وکٹیں بھی حاصل کیں۔ انھوں نے امام الحق، لیام ڈوسن اور ڈیرن سیمی کو آؤٹ کیا۔
محمد عامر کی شاندار بولنگ پر پورا اسٹیڈیم عامر، عامر کے نعروں سے گونج اٹھا۔ محمد عامر پی ایس ایل فور کے 8 میچز میں 12 شکار کر چکے ہیں۔
اپنی والدہ کے انتقال کے باعث محمد عامر لاہور قلندرز اور کوئٹہ گلیڈی ایٹرز کے خلاف میچز نہیں کھیلے تھے۔ کراچی کنگز اب ایلیمنیٹر میچ میں دفاعی چیمپئن اسلام آباد یونائیٹڈ سے ٹکرائے گی۔ کراچی کی بیٹنگ وکٹ پر اسلام آباد کے بیٹسمینوں کو کنٹرول کرنے میں محمد عامر اہم کردار ادا کر سکتے ہیں۔