Recently Finished
Live Cricket
Upcoming Matches
View All Matches

کوئٹہ گلیڈی ایٹرز کے اوپنر احمد شہزاد نے قومی ٹیم کی سلیکشن پالیسی پر سوالات اٹھاتے ہوئے مطالبہ کیا ہے کہ پی ایس ایل میں پرفارم کرنیوالے کھلاڑیوں کو فوراً قومی ٹیم میں شامل نہیں کرنا چاہیے، ڈومیسٹک میں پرفارم کرنے والے پلیئرز کو بھی موقع ملنا چاہیے۔ کراچی کے نیشنل اسٹیڈیم میں میڈیا سے گفتگو کرتے ہوئے قومی کرکٹر اور کوئٹہ گلیڈی ایٹرز کے اوپنر احمد شہزاد نے کہا کہ میں کم ترین اوورز کی کرکٹ کا مداح نہیں، قومی ٹیم میں کھلاڑیوں کی سلیکشن اس بنیاد پر نہیں ہونی چاہیے۔
پی ایس ایل میں بیٹسمین نہ ملنے پر مکی آرتھر کی پریشانی پر احمد شہزاد نے کہا کہ مکی آرتھر اتنے سینیئر آدمی ہیں، انھیں پتہ ہونا چاہیے ٹی ٹوئنٹی کرکٹ سے اچھے بیٹسمین نہیں مل سکتے، اچھے بیٹسمین ڈومیسٹک کرکٹ سے تلاش کرنا ہوں گے اور انھیں گروم کرنا ہو گا۔ انھوں نے کہا کہ ایک سیزن میں پرفارمنس کے بعد پلیئر کو منتخب نہیں کرنا چاہیے بلکہ اس کو پورا ٹائم دے کر اور مضبوط پلیئر بنا کر ہی ٹیم میں لانا چاہیے۔