Recently Finished
Live Cricket
Upcoming Matches
View All Matches

Pakistan Super League (PSL) 2019

ڈیرن سیمی نے پی ایس ایل فور کا فائنل ہارنے کے بعد ٹویٹ کرتے ہوئے کہا کہ پاکستان میں واپس آؤں گا، آپ سب کی محبت اور سپورٹ کا شکریہ ادا کرتا ہوں۔ اس کے جواب میں ان کے ہم وطن سابق کرکٹر سر ویو رچرڈز نے کہا کہ سیمی تم نے اور پشاور زلمی نے بہت اچھا کھیلا، اسی طرح محنت جاری رکھو، آپ لوگوں نے اس پی ایس ایل میں شاندار کارکردگی کا مظاہرہ کیا۔
ڈیرن سیمی نے سر ویو رچرڈز کو جواب دیتے ہوئے تسلیم کیا کہ فائنل والے دن آپ کی ٹیم نے اچھا کھیلا، آپ اس ٹائٹل کے حقدار تھے۔ حوصلہ بڑھانے پر ڈیرن سیمی نے ان کا شکریہ بھی ادا کیا۔ یاد رہے کہ پی ایس ایل فور کا فائنل ہارنے کے بعد ڈیرن سیمی کی ایک ویڈیو منظرعام پر آئی تھی جس میں وہ دلبرداشتہ نظر آ رہے تھے اور ویو رچرڈز ان کو دلاسہ دے رہے تھے۔