Recently Finished
Live Cricket
Upcoming Matches
No live scores available
View All Matches

پاکستان کے باصلاحیت کرکٹر عمر اکمل کی قومی ٹیم میں واپسی ہوئی تو بھارتی میڈیا نے پروپیگنڈہ شروع کر دیا کہ میچ فکسنگ کی پیشکش کا دعویٰ کرنے والے کرکٹر کو آئی سی سی سے کلیئرنس ملے بغیر ہی کرکٹ کھیلنے کی اجازت دے دی۔ آئی سی سی نے اس خبر پر ردعمل دیتے ہوئے کہا کہ عمر اکمل کو کلیئر کر دیا گیا ہے اور وہ بین الاقوامی کرکٹ کھیل سکتے ہیں۔
دو سال بعد آسٹریلیا کے خلاف ون ڈے سیریز میں عمر اکمل کی ٹیم میں واپسی ہوئی ہے۔ انھوں نے ایک ٹی وی انٹرویو میں کہا تھا کہ 2015 ورلڈکپ میں دو گیندیں ضائع کرنے پر مجھے دو لاکھ ڈالرز کی آفر ہوئی تھی۔ عمر اکمل نے دعویٰ کیا تھا کہ انھیں بھارت کے خلاف میچز میں بھی فکسنگ کی پیشکش ہوئی تھی لیکن انھوں نے یہ تمام آفرز ٹھکرا دیں تھیں۔