Recently Finished
Live Cricket
Upcoming Matches
No live scores available
View All Matches

پاکستان کرکٹ بورڈ کے مینیجنگ ڈائریکٹر وسیم خان نے اسلام آباد میں میڈیا سے گفتگو کرتے ہوئے کہا کہ پی ایس ایل فور فائنل میں دنیا کے مختلف کرکٹ بورڈ کے اراکین نے شرکت کی تھی، سری لنکا کرکٹ ٹیم کو پاکستان لانے کیلئے کوشاں ہیں اور امید ہے کہ سری لنکن ٹیم رواں برس پاکستان کا دورہ کرے گی اور اس حوالے سے بات چیت جاری ہے۔
مینیجنگ ڈائریکٹر کا کہنا تھا کہ پی ایس ایل میں پوری دنیا نے پاکستان کی سیکیورٹی دیکھ لی ہے، سب نے سیکیورٹی اور سہولیات کی تعریف کی ہے اور امید ہے جلد ہی پاکستان میں انٹرنیشنل کرکٹ کے دروازے واپس کھل جائیں گے۔
ایم ڈی وسیم خان کا یہ بھی کہنا تھا کہ کھیل میں سیاست نہیں ہونی چاہیے، آئی سی سی کے سامنے بھارت کے ہر محاذ کے لیے تیار ہیں اور بھارت کیساتھ کرکٹ معاملات پر اپنی عزت ہر صورت مقدم رکھیں گے۔