Recently Finished
Live Cricket
Upcoming Matches
View All Matches

کرکٹ ورلڈکپ نے اپنے ٹویٹر اکاؤنٹ پر سابق بھارتی کرکٹر ورندر سہواگ کی ویڈیو جاری کی جس میں ان سے تمام کرکٹ ٹیموں کے بارے میں رائے لی گئی۔ ورندر سہواگ نے آسٹریلیا کو خطرناک ٹیم قرار دیا۔ بنگلہ دیش کے بارے میں بھارتی کرکٹر کا کہنا تھا کہ کیونکہ بنگلہ دیشی کرکٹرز کو ٹائیگرز کہا جاتا ہے اس لیے یہ کسی بھی دن کسی بھی ٹیم کا شکار کرنے کی صلاحیت رکھتے ہیں۔ ورندر سہواگ نے کہا کہ ورلڈکپ میں پاکستانی کرکٹ ٹیم کی کارکردگی کے حوالے پیشگوئی نہیں کی جا سکتی۔
سہواگ کی نظر میں انگلینڈ کی ٹیم اچھی ہے اور ورلڈکپ جیتنے کی مکمل صلاحیت رکھتی ہے۔ ان کے خیال میں نیوزی لینڈ کی ٹیم ورلڈکپ میں کچھ بھی کر سکتی ہے۔ جنوبی افریقہ کے لیے ورندرسہواگ نے کہا کہ امید ہے یہ ٹیم اچھا کھیل پیش کر سکے۔
افغانستان کے بارے میں جواب دیتے ہوئے سہواگ نے کہا کہ اگر افغانستان کا دن اچھا ہو تو وہ کسی بھی ٹیم کو شکست دے سکتی ہے جبکہ ویسٹ انڈیز کو انھوں نے بہت خطرناک ٹیم قرار دیا۔ اپنی ٹیم کے بارے میں انھوں نے کہا کہ جس دن وہ اچھا کھیل پیش کرے گی اس دن وہ کسی بھی ٹیم کو باآسانی ہرا دے گی۔