Recently Finished
Live Cricket
Upcoming Matches
View All Matches

انگلش ٹیم کے ٹاپ آرڈر بیٹسمین ایلکس ہیلز کا کہنا ہے کہ انگلش ٹیم ہوم کنڈیشنز میں فیورٹ کہلوانے کی حقدار ہے۔ اپنے ایک انٹرویو میں ایلکس ہیلز نے کہا کہ گزشتہ چار برسوں میں ہماری ٹیم نے شاندار کارکردگی کا مظاہرہ کیا ہے اور ہمیں گزشتہ دس ون ڈے سیریز میں کسی بھی سیریز میں شکست نہیں ہوئی اس لیے ہماری ٹیم فیورٹس میں شامل ہے۔
انھوں نے کہا کہ بھارتی ٹیم عالمی ایونٹس میں ہر مرتبہ ہی اچھی ہوتی ہے مگر پاکستان بھی فیورٹ ہے کیونکہ پاکستان کے بارے میں کچھ نہیں کہا جا سکتا کہ وہ کس دن کیا کر گزریں۔
ایلکس ہیلز نے آسٹریلیا کے بارے میں کہا کہ بھارت میں سیریز جیت کر آسٹریلیا نے بھی خود کو ورلڈکپ کی فیورٹ ٹیموں میں شامل کر لیا ہے جبکہ ڈیوڈ وارنر اور اسٹیو اسمتھ کی واپسی سے ان کی ٹیم مزید مضبوط ہو جائے گی۔