Recently Finished
Live Cricket
Upcoming Matches
View All Matches

ورلڈکپ کا آغاز ہونے میں دو ماہ سے بھی کم وقت رہ گیا ہے اور پاکستان کے سابق کپتان وسیم اکرم نے قومی کرکٹرز کی خوراک پر تشویش کا اظہار کیا ہے۔ سابق کپتان وسیم اکرم نے کہا ہے کہ آپ بریانی کھا کر چیمپئن ٹیموں کا مقابلہ نہیں کر سکتے، میں بہت حیران ہوں کہ ٹیم کے کھلاڑیوں ابھی تک بریانی کھلائی جاتی ہے۔
ورلڈکپ کے حوالے سے گفتگو کرتے ہوئے سابق کپتان نے کہا کہ اس سال ورلڈکپ اُس فارمیٹ میں کھیلا جائے گا جو 1992 کے ورلڈکپ میں تھا، میگا ایونٹ "تُکے" سے نہیں جیتا جا سکتا بلکہ آپ کو اچھی کارکردگی دکھانا ہو گی۔
انھوں نے کہا کہ ہم نئے بیٹسمین ڈھونڈنے میں ناکام ہو چکے ہیں، ہمیں بیٹسمینوں کی کوالٹی پر دھیان دینا ہو گا۔ انگلینڈ میں ہونے والا ورلڈکپ 30 مئی سے شروع ہو گا جہاں آسٹریلیا ٹائٹل کا دفاع کرے گا۔