Recently Finished
Live Cricket
Upcoming Matches
View All Matches

پاکستان کرکٹ بورڈ ورلڈکپ کے لیے 23 کھلاڑیوں کے ناموں کا اعلان تو کر چکا ہے مگر ساتھ ہی بورڈ نے پاکستان کپ کے بہترین پرفارمرز کو بھی فٹنس ٹیسٹ کے لیے مدعو کرنے کا عندیہ دے دیا ہے۔ احمد شہزاد اس حوالے سے اپنا کیس مضبوط کرتے نظر آ رہے ہیں۔
پاکستان کپ میں فیڈرل ایریاز کی نمائندگی کرتے ہوئے احمد شہزاد نے اپنے پہلے میچ میں 56 رنز کی اننگز کھیلی جس کے بعد دوسرے میچ میں وہ 10 رنز بنا سکے۔ پنجاب کے خلاف احمد شہزاد نے پھر زبردست بیٹنگ کی اور 78 گیندوں پر 74 رنز بنائے۔
احمد شہزاد نے لسٹ اے کیریئر میں 6 ہزار رنز بھی مکمل کر لیے ہیں اور وہ یہ اعزاز پانے والے 21ویں کھلاڑی ہیں۔ ورلڈکپ میں اوپننگ کے لیے امام الحق اور فخر زمان تو مضبوط امیدوار ہیں لیکن ورلڈکپ کے لیے تین اوپنرز کو ٹیم میں شامل کرنے پر غور کیا جا رہا ہے۔