Recently Finished
Live Cricket
Upcoming Matches
No live scores available
View All Matches

پاکستان کرکٹ بورڈ ورلڈکپ کے لیے ابتدائی 23 کھلاڑیوں کا چناؤ کر چکا ہے تاہم پاکستان کپ کے ٹاپ پرفارمرز کو بھی فٹنس ٹیسٹ کے لیے بلایا جا سکتا ہے۔ پاکستان کرکٹ بورڈ نے گذشتہ ہفتے ورلڈکپ کے لیے 23 کھلاڑیوں کا اعلان کیا جس میں عمر اکمل اور وہاب ریاض کا نام شامل نہیں تھا۔
عمر اکمل پاکستان کپ کے دوران زبردست فارم میں نظر آ رہے ہیں جبکہ وہاب ریاض بھی اچھی بولنگ کر رہے ہیں۔ پی سی بی ذرائع کے مطابق سلیکٹرز پاکستان کپ میں پلیئرز کی پرفارمنس کا جائزہ لے رہے ہیں اور 23 کھلاڑیوں کے علاوہ پاکستان کپ کے پرفارمرز کو بھی فٹنس ٹیسٹ کے لیے بلایا جا سکتا ہے۔
ورلڈکپ کے لیے کھلاڑیوں کے فٹنس ٹیسٹ 15 اور 16 اپریل کو ہوں گے جس کے بعد 18 اپریل کو ٹیم کا اعلان کیا جائے گا۔