Recently Finished
Live Cricket
Upcoming Matches
No live scores available
View All Matches

اظہر علی سمرسیٹ کی جانب سے کاؤنٹی چیمپئن شپ کھیلنے کے لیے انگلینڈ میں موجود ہیں اور رواں سیزن میں ان کا آغاز کچھ اچھا نہیں رہا ہے۔ ٹانٹن میں جاری کینٹ کے خلاف میچ میں اظہر علی دونوں اننگز میں ناکام ہو گئے۔ پہلی اننگز میں وہ 24 رنز بنا کر پویلین لوٹ گئے۔ دوسری اننگز میں بھی اظہر علی مارکس ٹریسکوتھک کے ساتھ اوپنر آئے مگر 2 رنز ہی بنا سکے۔
اظہر علی پورے کاؤنٹی سیزن کے لیے سمرسیٹ کو دستیاب ہیں۔ اظہر علی کی ناکامی کے باوجود سمرسیٹ نے اس میچ میں کامیابی حاصل کر لی۔ کینٹ کی ٹیم 205 رنز کے تعاقب میں صرف 131 رنز پر ڈھیر ہو گئی۔ سمرسیٹ کے لیوائس گریگوری نے دوسری اننگز میں صرف 18 رنز دے کر 5 وکٹیں لیں اور ٹیم کی فتح میں مرکزی کردار ادا کیا۔
#Pakistan#Somerset