Recently Finished
Live Cricket
Upcoming Matches
View All Matches

پی سی بی کرکٹ کمیٹی کے چیئرمین محسن حسن خان نے پاکستان سپر لیگ فور میں کراچی کنگز کی نمائندگی کرنے والے نوجوان اسپنر عمر خان کو ورلڈکپ اسکواڈ میں شامل کرنے کا مطالبہ کر دیا ہے۔ محسن حسن خان نے کہا کہ اگر میں چیف سلیکٹر ہوتا تو عمر خان کو ورلڈکپ کی 15 رکنی اسکواڈ میں ضرور شامل کرتا۔
انھوں نے کہا کہ وہ پراعتماد انداز میں بولنگ کرتے ہیں اور ان میں وکٹیں حاصل کرنے کی صلاحیت موجود ہے۔ محسن خان نے مزید کہا کہ ورلڈکپ کے دوران انگلینڈ کی کنڈیشنز بہت اہم ہوں گی، اگر موسم گرم اور خشک ہوا تو اسپنرز مددگار ثابت ہوں گے لیکن سرد موسم میں فاسٹ بولرز کا کردار اہم ہو گا۔
سابق کرکٹر نے کہا کہ آسٹریلیا کے خلاف سیریز میں جہاں محمد حسنین کو آزمایا گیا وہیں نوجوان فاسٹ بولرز حارث رؤف اور محمد موسیٰ کو بھی موقع ملنا چاہیئے تھا۔