قومی کرکٹرز نے ورلڈکپ کی تیاری شروع کر دی

ورلڈکپ سے پہلے پی سی بی کی جانب سے 23 ممکنہ کھلاڑیوں کو فٹنس ٹیسٹ کے لیے بلایا گیا ہے۔ فٹنس ٹیسٹ 15 اور 16 اپریل کو لاہور میں ہوں گے۔ اس مشکل مرحلے میں کامیابی کے لیے قومی کرکٹرز کی انفرادی طور پر تیاریاں جاری ہیں۔ ورلڈکپ کے ممکنہ اسکواڈ میں شامل کئی کرکٹرز نیشنل کرکٹ اکیڈمی میں ٹریننگ کر رہے ہیں جن میں بابر اعظم، امام الحق، شاداب خان، محمد عامر، عماد وسیم اور محمد حسنین شامل ہیں۔

View this post on Instagram

A post shared by Babar Azam (@babarazam) on Mar 27, 2019 at 2:39am PDT

پی سی بی ترجمان نے بتایا کہ قومی سلیکشن کمیٹی پاکستان کرکٹ بورڈ کے زیر اہتمام ہونے والے فٹنس ٹیسٹ کے بعد دورہ انگلینڈ اور ورلڈکپ کے لیے قومی ٹیم کا اعلان 18 اپریل کو لاہور میں کرے گی۔ عین ممکن ہے کہ فٹنس ٹیسٹ کے لیے طلب کیے گئے 23 کھلاڑیوں کے علاوہ پاکستان کپ میں عمدہ کارکردگی دکھانے والے کرکٹرز کو بھی مدعو کیا جائے۔

View this post on Instagram

A post shared by Hassan Ali (@ha55an_ali) on Apr 10, 2019 at 6:51am PDT