Recently Finished
Live Cricket
Upcoming Matches
No live scores available
View All Matches

ورلڈکپ اسکواڈ میں جگہ بنانے کے لیے پاکستان کے آل راؤنڈر محمد حفیظ نے فٹنس ٹیسٹ پاس کر لیا ہے جس میں دو کلو میٹر رننگ ٹیسٹ بھی شامل تھا جو ان کی بڑی کامیابی تصور کی جا رہی ہے۔ پاکستان سپر لیگ کے آغاز میں ہی محمد حفیظ اپنا انگوٹھا زخمی کروا بیٹھے تھے جس وجہ سے وہ پی ایس ایل سے باہر ہو گئے تھے۔
اسی وجہ سے وہ لگ بھگ 6 ہفتے تک کرکٹ سے بھی دور رہے۔ ان حالات میں محمد حفیظ نے ورلڈکپ ٹیم کا حصہ بننے کے لیے 'یویو ٹیسٹ' دیا جس میں وہ کامیاب رہے۔ اب دیکھنا یہ ہے کہ محمد حفیظ کو میگا ایونٹ کھیلنے کا موقع ملے گا یا نہیں۔ کرکٹ ماہرین سینئیر کھلاڑی محمد حفیظ کی ورلڈکپ ٹیم میں شمولیت کو اہم قرار دے رہے ہیں۔