Recently Finished
Live Cricket
Upcoming Matches
No live scores available
View All Matches

قومی ٹیم کے سابق کپتان رمیز راجہ نے ورلڈکپ اسکواڈ میں محمد عامر اور آصف علی کو شامل نہ کرنے کے فیصلے کی مخالفت کر دی۔ پاکستان ٹیم کے اعلان کے بعد رمیز راجہ نے ٹویٹر پر اپنے پیغام میں لکھا کہ ٹیم کافی متوازن نظر آ رہی ہے مگر محمد عامر اور آصف علی کو ورلڈکپ اسکواڈ میں شامل نہ کرنے کا فیصلہ درست نہیں ہے، میرے خیال میں دونوں ہی کھلاڑیوں کو میگا ایونٹ کی ٹیم میں شامل کرنا چاہیئے تھا۔
محمد حسنین کی ورلڈکپ ٹیم میں شمولیت پر رمیز راجہ نے کہا کہ انھیں ان کی رفتار کی وجہ سے ٹیم میں شامل کیا گیا ہے جو کہ درست فیصلہ ہے۔ واضح رہے محمد عامر اور آصف علی کی ورلڈکپ ٹیم میں سلیکشن کے دروازے ابھی بھی بند نہیں ہوئے۔ اگر دونوں کھلاڑی انگلینڈ کے خلاف سیریز میں اچھی کارکردگی دکھانے میں کامیاب ہوئے تو انھیں ورلڈکپ اسکواڈ کا حصہ بنایا جا سکتا ہے۔