Recently Finished
Live Cricket
Upcoming Matches
No live scores available
View All Matches

پاکستان ٹیم کے اوپننگ بیٹسمین امام الحق نے قذافی اسٹیڈیم میں میڈیا ست گفتگو کرتے ہوئے کہا کہ ہر کھلاڑی کا خواب ہوتا ہے کہ ورلڈکپ میں اپنے ملک کی نمائندگی کرے، یہ میرے لیے اعزاز کی بات ہے کہ مجھے میگا ایونٹ کھیلنے کا موقع مل رہا ہے اور میں پوری کوشش کروں گا اپنی ذمہ داری کو احسن طریقے سے انجام دوں۔
امام الحق نے کہا کہ ڈیڑھ سال سے ٹیم کے ساتھ ہوں، اب پریشر ہوتا ہے کہ ٹیم کو جتوانا ہے تو ذمہ داری بڑھ گئی ہے۔ صحافی نے سوال کیا کہ ورلڈکپ ٹیم میں آپ کی سلیکشن پر سوالات اٹھائے جا رہے ہیں تو انھوں نے کہا کہ جب سے میں نے ڈیبیو کیا ہے میری بیٹنگ اوسط 56 کی ہے اور پاکستان کا ٹاپ اسکورر ہوں۔
امام الحق نے مزید کہا کہ ورلڈکپ اسکواڈ کے لیے میں آٹومیٹک چوائس تھا، میری وجہ سے سلیکشن کمیٹی کو کوئی پریشر نہیں اٹھانا پڑا، میڈیا کی طرف سے دباؤ ڈالنے کی کوشش کی گئی لیکن سلیکٹرز اپنے فیصلے کے حوالے سے کلیئر تھے۔