Recently Finished
Live Cricket
Upcoming Matches
View All Matches

ویسٹ انڈیز کے مایہ ناز سابق کرکٹر اور کپتان برائن لارا نے کہا ہے کہ ہماری ٹیم ورلڈکپ کے سیمی فائنل مرحلے تک رسائی حاصل کر سکتی ہے لیکن اس کے لیے کیریبین ٹیم کو مستقل مزاجی کے ساتھ اچھی کرکٹ کھیلنا ہو گی۔ برائن لارا نے کہا کہ ویسٹ انڈیز نے ثابت کیا ہے کہ وہ بھارت اور انگلیںڈ جیسی ٹیموں کو شکست دینے کی صلاحیت رکھتی ہے۔
سابق ویسٹ انڈین کپتان نے کہا کہ جب ہمارا دن اچھا ہوتا ہے تو ہماری ٹیم کسی کو بھی شکست دے سکتی ہے لیکن اگلے ہی روز ہم افغانستان اور بنگلہ دیش سے ہار بھی سکتے ہیں جس سے نجات حاصل کرنے کی ضرورت ہے۔
انھوں نے کہا کہ انگلینڈ اور بھارت تو لازمی سیمی فائنل کھیلیں گے جبکہ آسٹریلیا کے دو بیٹسمینوں (اسٹیو اسمتھ اور ڈیوڈ وارنر) کی واپسی کے بعد کینگروز کی ٹیم بھی مضبوط نظر آ رہی ہے۔