Recently Finished
Live Cricket
Upcoming Matches
No live scores available
View All Matches

کرکٹ کے سب سے بڑے ٹورنامنٹ ورلڈکپ کے لیے ٹیم پاکستان کی کِٹ تیار کر لی گئی جس کی رونمائی انگلینڈ سے سیریز کے بعد انگلش سرزمین پر ہی کی جائے گی۔ پاکستان کرکٹ ٹیم نے انگلینڈ میں ڈیرے ڈال لیے ہیں جہاں گرین شرٹس کے پریکٹس سیشن جاری ہیں۔ کاؤنٹی ٹیموں کے خلاف میچز کے بعد انگلینڈ اور پاکستان کے درمیان سیریز کا آغاز ہو گا۔
سیریز کا اختتام ورلڈکپ سے 12 روز قبل 19 مئی کو ہو گا اور پھر پاکستان کا مشن ورلڈکپ شروع ہو گا۔ انگلینڈ کے خلاف سیریز کے فوری بعد پاکستان کرکٹ ٹیم کی ورلڈکپ کِٹ کی رونمائی کی جائے گی۔ ذرائع کا کہنا ہے کہ کِٹ کی رونمائی 20 مئی کو ہو گی۔ ذرائع کے مطابق پاکستان کی ورلڈکپ کِٹ رونمائی میں چیئرمین پی سی بی احسان مانی بھی موجود ہوں گے۔