Recently Finished
Live Cricket
Upcoming Matches
No live scores available
View All Matches

انگلینڈ کے اوپننگ بلےباز ایلکس ہیلز پر 21 روز کی پابندی عائد کر دی گئی جس کے بعد وہ پاکستان کے خلاف سیریز سے باہر ہو گئے۔ تفصیلات کے مطابق پاکستان کے خلاف سیریز سے قبل انگلش ٹیم کے ڈرگ ٹیسٹ لیے گئے جس میں ایلکس ہیلز مسلسل دوسری مرتبہ ناکام ہوئے اور پالیسی کی خلاف ورزی کرنے پر ان پر 21 دن کی پابندی عائد کر دی گئی۔ ایلکس ہیلز تین ہفتوں تک کرکٹ کی سرگرمیوں میں حصہ نہیں لے سکیں گے۔
واضح رہے ایلکس ہیلز نے چند دن قبل اچانک کرکٹ سے دور رہ کر آرام کرنے کا فیصلہ کیا تھا اور گزشتہ روز ہی انھوں نے انگلینڈ کرکٹ بورڈ کو آگاہ کیا تھا کہ اب وہ ٹیم کو دستیاب ہیں۔ 30 مئی سے ورلڈ کپ شروع ہو رہا ہے اور اس سے قبل ایلکس ہیلز ٹیم کو دستیاب ہوں گے۔ ایلکس ہیلز پرامید ہیں کہ انھیں ٹریننگ سیشن میں حصہ لینے دیا جائے گا۔