Recently Finished
Live Cricket
Upcoming Matches
No live scores available
View All Matches

بنگلہ دیش اور ویسٹ انڈیز کے درمیان تین ملکی سیریز کے ون ڈے میچ میں پاکستانی امپائر علیم ڈار نے امپائرنگ کی ڈبل سنچری مکمل کر لی اور وہ یہ اعزاز پانے والے صرف تیسرے امپائر بن گئے۔ اس یادگار موقع پر پی سی بی نے علیم ڈار کا ایک ویڈیو بیان جاری کیا جس میں انھوں نے طویل کیریئر کی داستان سنائی۔
علیم ڈار نے بتایا کہ انھوں نے بطور امپائر اپنے کیریئر کا آغاز اپنے شہر گوجرانوالہ میں کیا جہاں سری لنکا اور پاکستان کی ٹیمیں مدمقابل ہوئیں تھیں۔ انھوں نے کہا کہ 19 سال کے عرصے میں کافی مشکل وقت بھی دیکھا اور فیملی کو بھی کافی مِس کیا۔
علیم ڈار نے مزید کہا کہ غلط اور ٹھیک فیصلہ امپائرنگ کا حصہ ہے لیکن اچھا امپائر وہی ہے جو غلطی کم کرے۔ علیم ڈار کا کہنا تھا کہ ورلڈکپ 2011 ان کے لیے یادگار ہے کیونکہ اس ایونٹ میں میرے خلاف 15 روویو لیے گئے مگر میرے تمام فیصلے ٹھیک تھے۔