Recently Finished
Live Cricket
Upcoming Matches
No live scores available
View All Matches

سابق بھارتی کپتان مہندر سنگھ دھونی کے بچپن کے کوچ کیشو بینرجی نے اپنے ایک بیان میں کہا ہے کہ ویرات کوہلی میچ کی صورتحال کو اس طرح کنٹرول کرنے کی صلاحیت نہیں رکھتے جو دھونی کے پاس ہے۔ انھوں نے کہا کہ میچ کے دوران ویرات کوہلی جب بھی مشکل میں ہوتے ہیں تو وہ مہندر سنگھ دھونی سے مشورہ لینے جاتے ہیں۔
کیشو بینرجی نے کہا کہ اگر بھارتی ٹیم میں دھونی نہ ہوتے تو کوہلی کی مدد کے لیے کوئی موجود نہ ہوتا کیونکہ بطور کپتان انھیں ابھی ٹائم کی ضرورت ہے۔ ویرات کوہلی بھی کئی دفعہ اس بات کا اقرار کر چکے ہیں کہ وہ خوش قسمت ہیں کیونکہ دھونی ابھی تک ٹیم میں موجود ہیں۔
ورلڈکپ میں مہندر سنگھ دھونی کی بیٹنگ پوزیشن پر گفتگو کرتے ہوئے کیشو بینرجی نے کہا کہ انھیں چار نمبر پر بیٹنگ کرنی چاہیے کیونکہ ان کو کریز پر سیٹ ہونے کے لیے وقت درکار ہوتا ہے اور جب وہ ایک بار سیٹ ہو جائیں تو اختتامی اوورز میں جارحانہ کھیل پیش کر سکتے ہیں۔