Recently Finished
Live Cricket
Upcoming Matches
View All Matches

بنگلہ دیش کرکٹ ٹیم کے تجربہ کار آل راؤنڈر شکیب الحسن نے خواہش ظاہر کی ہے کہ وہ ورلڈکپ میں نمبر تین پر بیٹنگ کرنا چاہتے ہیں۔ شکیب الحسن کا کہنا ہے کہ کچھ سال قبل بنگلہ دیش کی ٹیم اتنی مضبوط نہیں تھی اور میں نمبر پانچ پر بیٹنگ کرتا تھا مگر اس کے باوجود 15 اوورز سے پہلے ہی میں بیٹنگ کرنے آ جاتا تھا تاہم اب ٹیم کی بیٹنگ لائن اپ مضبوط ہو گئی ہے جس وجہ سے مجھے بیٹنگ کرنے کا موقع نہیں ملتا۔
انھوں نے کہا کہ نمبر پانچ پر بیٹنگ کرتے ہوئے مجھے 35 یا 40 اوورز کے بعد بیٹنگ کا موقع ملتا ہے۔ شکیب الحسن نے 13 ایک روزہ میچوں میں نمبر تین پر بیٹنگ کی ہے جس میں انھں 41 کی اوسط سے 492 رنز بنائے ہیں۔ شکیب الحسن کہتے ہیں کہ میں نے کوچ اور کپتان سے بھی اس حوالے سے بات کی ہے اگر انھوں نے رضامندی ظاہر کی تو ورلڈکپ میں نمبر تین پر بیٹنگ کروں گا۔