Recently Finished
Live Cricket
Upcoming Matches
View All Matches

انگلینڈ کی ون ڈے ٹیم کے کپتان اوئن مورگن نے اپنے ایک بیان میں کہا ہے کہ ورلڈکپ کے لیے حتمی 15 رکنی ٹیم منتخب کرنے کا فیصلہ بہت مشکل ہو گا۔ اوئن مورگن نے کہا کہ پاکستان کے خلاف کھیلنے والی 17 رکنی ٹیم سے دو کھلاڑی ڈراپ ہو جائیں گے۔
انگلش ٹیم کے کپتان نے کہا کہ گزشتہ چار سال کے دوران لیام پلنکٹ اور ڈیوڈ وِلے نے پریشر صورتحال میں بہت اچھی بولنگ کی، ان سے جتنی توقعات بڑھیں انھوں نے اتنا ہی پرفارم کر کے دکھایا لیکن دونوں کھلاڑیوں کی اس طرح تعریف نہیں کی گئی جیسے باقیوں کی گئی۔
انگلینڈ نے پاکستان کے خلاف کھیلے گئے دوسرے ون ڈے میچ میں 12 رنز سے کامیابی اپنے نام کی تھی جبکہ پہلا میچ بارش کی نذر ہو گیا تھا۔ دونوں ٹیموں کے درمیان پانچ ون ڈے میچوں پر مشتمل سیریز کا تیسرا میچ کل برسٹل میں کھیلا جائے گا۔ میچ پاکستانی وقت کے مطابق شام چار بجے شروع ہو گا۔