Recently Finished
Live Cricket
Upcoming Matches
View All Matches

پاکستان اور انگلینڈ کے درمیان کھیلے جانے والے چوتھے ایک روزہ میچ میں قومی ٹیم کے اوپننگ بیٹسمین امام الحق اننگز کی ابتداء میں ہی بیٹنگ کے دوران گیند لگنے سے زخمی ہو گئے جس کے بعد انھیں فوراً گراؤنڈ سے باہر لے جایا گیا اور پھر زخمی امام الحق کی جگہ بابر اعظم بیٹنگ کے لیے آئے۔
مارک ووڈ کی گیند لگنے کے بعد امام الحق کو مقامی اسپتال منتقل کیا گیا جہاں ان کے ٹیسٹ اور ایکسرے کیے گئے۔ پی سی بی کے مطابق امام الحق کی ایکسرے رپورٹس کلیئر ہیں اور ان کی کہنی پر سوجن ہے۔
امام الحق میچ کے اختتامی اوورز میں دوبارہ بیٹنگ کیلئے آئے اور مزید تین رنز بنائے۔ وہ چھ رنز بنا کر ناٹ آؤٹ پویلین لوٹے۔ انھیں انگلینڈ کے خلاف آخری ون ڈے میچ کھیلانے یا نہ کھیلانے کا فیصلہ ابھی تک نہیں ہوا۔