Recently Finished
Live Cricket
Upcoming Matches
No live scores available
View All Matches

وہاب ریاض کو ورلڈکپ کے لیے پاکستان ٹیم میں شامل کیا گیا تو کافی تنقید ہوئی اور سلیکشن کمیٹی کے اس فیصلے سوالات اٹھائے گئے تاہم ٹیم مینجمنٹ نے وہاب ریاض پر اعتماد برقرار رکھا اور انھیں افغانستان کے خلاف پہلے وارم اپ میچ میں موقع دیا۔ وہاب ریاض نے بھی اپنے مداحوں اور مینجمنٹ کو مایوس نہیں کیا اور شاندار پرفارمنس دے کر ناقدین کے منہ بند کر دیے۔
وہاب ریاض نے 7.4 اوورز میں 46 رنز دے کر تین کھلاڑیوں کو پویلین کی راہ دکھائی مگر پاکستان ٹیم اس میچ میں کامیاب نہ ہو سکی۔ دوسری جانب چکن پاکس سے چھٹکارا حاصل کرنے والے محمد عامر نے بھی ٹیم میں کم بیک کیا مگر خاطر خواہ پرفارمنس نہ دے سکے۔ انھوں نے 6 اوورز میں 27 رنز دیے اور کوئی وکٹ نہ لے سکے۔