Recently Finished
Live Cricket
Upcoming Matches
No live scores available
View All Matches

سابق بھارتی کرکٹر گوتم گمبھیر نے ملک میں ہونے والے لوک سبھا کے عام انتخابات میں بھارتی جنتہ پارٹی کے ٹکٹ پر الیکشن لڑا اور بھاری مارجن سے کامیابی حاصل کی۔ گوتم گمبھیر نے 6 لاکھ 96 ہزار ایک سو 56 ووٹ حاصل کیے جبکہ ان کے مقابلے میں الیکشن لڑنے والے انڈین نیشنل کانگریس کے رہنما اروندر سنگھ نے 3 لاکھ 4 ہزار 9 سو 34 ووٹ حاصل کیے۔
گوتم گمبھیر نے الیکشن سے پہلے اعلان کیا تھا کہ اگر وہ کامیاب ہوئے تو اپنی جماعت سے مطالبہ کریں گے کہ ورلڈکپ میں بھارت کو پاکستان کے خلاف میچ سے روکا جائے۔ شاہد آفریدی نے گوتم گمبھیر کے بیان پر دوبارہ ردعمل دیتے ہوئے سوال اٹھایا کہ پڑھی لکھی قوم کے لوگ ایسی بات کرتے ہیں؟
بوم بوم نے کہا کہ گوتم گمبھیر نے بیوقوفوں والی بات کی ہے اور بھارتی عوام نے بھی ان لوگوں کو ووٹ دے دیا ہے جن کو عقل ہی نہیں ہے۔