Recently Finished
Live Cricket
Upcoming Matches
View All Matches

آسٹریلیا کے سابق فاسٹ بولر گلین میکگرا نے انگلینڈ اینڈ ویلز میں ہونے والے ورلڈکپ کے لیے آسٹریلوی ٹیم کے بجائے میزبان ٹیم کو ورلڈکپ جیتنے کے لیے فیورٹ قرار دے دیا ہے۔ گلین میکگرا کا کہنا ہے کہ انگلینڈ کی ون ڈے ٹیم بہت مضبوط ہے، میری نظر میں وہ یہ ورلڈکپ جیتنے کے لیے فیورٹ ہیں اور میرے خیال سے میگا ایونٹ میں انگلش ٹیم بہت شاندار کارکردگی دکھائے گی۔
گلین میکگرا سے سوال پوچھا گیا کہ کیا یہ پہلی دفعہ ہے کہ آپ اپنی روایتی حریف ٹیم کو فیورٹ قرار دے رہے ہیں؟ انھوں نے جواب دیا کہ شاید ہاں کیونکہ میں ساری زندگی جانبداری کا مظاہرہ نہیں کر سکتا۔
سابق فاسٹ بولر نے کہا کہ کچھ ٹیمیں پہلے 15 اور آخری 15 اوورز میں تیز کھیلتی ہیں لیکن انگلیںڈ کی ٹیم پورے پچاس اوورز میں جارحانہ بیٹنگ کرتی ہے جس نے مجھے بہت متاثر کیا ہے۔