Recently Finished
Live Cricket
Upcoming Matches
View All Matches

پاکستان کے سابق فاسٹ بولر شعیب اختر نے پاکستان ٹیم مینجمنٹ کو مشورہ دیا ہے کہ ورلڈکپ میں نئی گیند سے حسن علی اور محمد عامر کو بولنگ کروائی جائے۔ شعیب اختر نے کہا کہ انگلینڈ میں جس طرح کی پچز ہیں وہ یقیناََ حسن علی کو مدد فراہم کریں گی۔ سابق فاسٹ بولر افغانستان کے خلاف وارم اپ میچ میں وہاب ریاض کی بولنگ سے بھی خوش نظر آئے۔
انھوں نے کہا کہ جب گیند پرانی ہو جاتی ہے تو وہاب ریاض جیسے بولر ٹیم کے لیے سودمند ثابت ہو سکتے ہیں۔ ان کا کہنا تھا کہ افغانستان کے خلاف میچ میں ہم نے دیکھا کہ اختتامی اوورز میں وہاب ریاض جیسے بولر کی کتنی ضرورت ہے۔
شعیب اختر نے مزید کہا کہ اس ورلڈکپ میں اسپن بولرز کا کردار بھی بہت اہم ہو گا۔ انھوں نے کہا کہ شاداب خان، عماد وسیم، محمد حفیظ اور شعیب ملک سے زیادہ سے زیادہ بولنگ کروائی جائے۔