Recently Finished
Live Cricket
Upcoming Matches
No live scores available
View All Matches

سابق آل راؤنڈر یاسر عرفات نے پاکستان کی طرف سے بہت کم کرکٹ کھیلی لیکن انگلینڈ میں انھوں نے اپنی صلاحیتوں کا لوہا منوایا۔ قومی ٹیم کی طرف سے زیادہ مواقع نہ ملنے کی وجہ سے یاسر عرفات نے انگلینڈ میں کرکٹ کھیلنے کا فیصلہ کیا اور انھوں نے وہاں زبردست کارکردگی دکھائی۔
انگلینڈ میں ہونے والے ڈومیسٹک ٹی ٹوئنٹی ٹورنامنٹ کی تاریخ میں سب سے زیادہ وکٹیں لینے والے بولر کی بات کریں تو یہ اعزاز یاسر عرفات کے نام ہے۔ انھوں نے 118 میچوں میں 156 شکار کیے جبکہ سات مرتبہ وہ ایک میچ میں چار وکٹیں حاصل کرنے میں کامیاب ہوئے۔
یاسر عرفات نے انگلینڈ کی مختلف کاؤنٹی ٹیموں کی نمائندگی کی جس میں ہیمپشائر، کینٹ، لنکاشائر، سمرسیٹ، سرے اور سسیکس شامل ہیں۔ آل راؤنڈر نے ٹویٹ کرتے ہوئے کہا کہ یہ میرے لیے اور پاکستان کے لیے ایک زبردست اعزاز ہے۔ انھوں نے پاکستان کی طرف سے تین ٹیسٹ، گیارہ ون ڈے اور تیرہ ٹی ٹوئنٹی میچز کھیلے۔
#Pakistan