Recently Finished
Live Cricket
Upcoming Matches
View All Matches

بھارتی کرکٹ ٹیم ساؤتھیمپٹن میں موجود ہے جہاں وہ ساؤتھ افریقہ کے خلاف اپنے پہلے ورلڈکپ میچ کی تیاری کر رہی ہے۔ ساؤتھیمپٹن میں پریکٹس سیشن میں فیلڈنگ کے دوران بھارتی کپتان ویرات کوہلی کے انگوٹھے پر زوردار گیند لگی جس کے بعد بھارتی ٹیم کے ڈاکٹرز نے میدان میں آ کر ویرات کوہلی کے انگوٹھے کا جائزہ لیا۔
ڈاکٹرز نے معائنے کے بعد ویرات کوہلی کو دوبارہ پریکٹس سیشن میں حصہ لینے کی اجازت دے دی۔ پریکٹس سیشن کے اختتام پر دیکھا گیا کہ ویرات کوہلی اپنے انگوٹھے کو برف لگاتے ہوئے واپس جا رہے تھے۔
تفصیلات کے مطابق ویرات کوہلی کو ساؤتھ افریقہ کے خلاف پہلے میچ کیلئے مکمل فٹ قرار دے دیا گیا ہے۔ بھارتی ٹیم پانچ جون کو ساؤتھ افریقہ کے خلاف میچ سے اپنی ورلڈکپ مہم کا آغاز کرے گی۔
#ICC Cricket World Cup 2019#India#South Africa