Recently Finished
Live Cricket
Upcoming Matches
No live scores available
View All Matches

پاکستان ٹیم کے بیٹنگ کوچ گرانٹ فلاور کے حوالے سے میڈیا میں خبریں گردش کر رہی تھیں کہ وہ ورلڈکپ کے بعد پاکستان ٹیم کے ساتھ مزید کام کرنا نہیں چاہتے ہیں تاہم گرانٹ فلاور میں ان تمام خبروں کو بےبنیاد قرار دے دیا ہے۔
گرانٹ فلاور نے برسٹل میں پریس کانفرنس کرتے ہوئے کہا کہ ورلڈکپ کے بعد بھی پاکستان ٹیم کے ساتھ کام کرنا چاہتا ہوں لیکن اس کا حتمی فیصلہ پاکستان کرکٹ بورڈ کو کرنا ہے۔
گرانٹ فلاور گزشتہ پانچ سال سے پاکستان ٹیم کے ساتھ بطور بیٹنگ کوچ منسلک ہیں۔ قومی ٹیم کے حوالے سے ان کا کہنا تھا کہ ویسٹ انڈیز کے خلاف ٹیم نے بالکل بھی اچھا نہیں کھیلا اور بیٹسمین تکنیکی اعتبار سے کمزور نظر آئے تاہم تمام کھلاڑیوں کو اپنی ذمہ داری کا احساس ہے اور ٹیم کا ہر ایک کھلاڑی ورلڈکپ میں بہترین پرفارمنس دکھانے کے لیے پرعزم ہے۔