Recently Finished
Live Cricket
Upcoming Matches
No live scores available
View All Matches

پاکستان ٹیم کے سابق کپتان مصباح الحق نے شرجیل خان کی پابندی کو پاکستان کرکٹ کا بڑا نقصان قرار دے دیا۔ اپنے ایک انٹرویو میں مصباح الحق نے کہا کہ جو کچھ ہوا وہ پاکستان اور خود شرجیل خان کے لیے اچھا نہیں ہوا، میرے خیال میں پاکستان کو سعید انور کے بعد پہلا کوئی بہترین اوپنر ملا تھا جس میں بیٹنگ کی قدرتی صلاحیت موجود تھی۔
اسپاٹ فکسنگ اسکینڈل میں شرجیل خان پر پانچ سال کی پابندی عائد کی گئی ہے۔ گزشتہ دنوں شرجیل خان نے پی سی بی سے ڈومیسٹک کرکٹ کھیلنے کی اجازت مانگی تھی تاہم پی سی بی نے درخواست مسترد کر دی تھی۔
پی سی بی نے موقف اختیار کیا ہے کہ اعتراف جرم کیے بغیر شرجیل خان کو کرکٹ کھیلنے کی اجازت نہیں دے سکتے۔ پی سی بی ذرائع کا کہنا ہے کہ شرجیل خان نے صرف رپورٹ نہ کرنے کے جرم کا اعتراف کیا جو بحالی پروگرام کیلئے ناکافی ہے۔