Recently Finished
Live Cricket
Upcoming Matches
No live scores available
View All Matches

انٹرنیشنل کرکٹ کونسل کی ڈیجیٹل میڈیا ٹیم کی جانب سے بنگلہ دیش کے آل راؤنڈر محمود اللہ کا دلچسپ انٹرویو جاری کر دیا گیا ہے۔ محمود اللہ سے سوال کیا گیا کہ ٹیم کا کون سا کھلاڑی بڑا ڈانس کرتا ہے تو انھوں نے اپنا نام لیا جبکہ انھوں نے مہدی حسن میراز کو اچھا ڈانسر قرار دیا لیکن ساتھ ہی یہ بھی کہہ دیا کہ وہ ڈانس کرتے ہوئے مجھے اچھا نہیں لگتا۔
انھوں نے بتایا کہ صابر رحمان کو سب سے زیادہ سیلفیز لینے کا شوق ہے۔ ٹیم کے کپتان مشرفی مرتضیٰ کے بارے میں محمود اللہ نے انکشاف کیا کہ آپ کوئی بھی میوزک لگا دیں وہ گانا شروع کر دیں گے۔ ان کا کہنا تھا کہ تمیم اقبال ہمیشہ فلائٹ اپ گریڈ کرنے کا مطالبہ کرتے ہیں۔ محمود اللہ نے بتایا کہ سیف الدین خود کو گوگل پر سرچ کرتے رہتے ہیں۔