Recently Finished
Live Cricket
Upcoming Matches
No live scores available
View All Matches

بارش کی مداخلت کے باعث ورلڈکپ میں سری لنکا کے اب تک دو میچز منسوخ ہو چکے ہیں جس کے بعد انھیں دونوں میچوں میں ایک، ایک پوائنٹ ملا۔ سری لنکن کپتان دیمتھ کرونارتنے کا کہنا ہے کہ ہم ورلڈکپ میں کھیلنے کے لیے آئے ہیں اور میچ جیت کر پوائنٹس حاصل کرنا چاہتے ہیں۔
انھوں نے کہا کہ کسی بھی ٹیم کے لیے بہت مشکل ہوتا ہے کہ مکمل تیاری کے باوجود میچ نہ کھیل سکیں۔ دیمتھ کرونارتنے پوائنٹس ٹیبل پر سری لنکا کی پوزیشن سے مطمئن ہیں اور ان کا اگلا میچ آسٹریلیا کے خلاف ہے۔
سری لنکن کپتان کا کہنا ہے کہ آسٹریلیا کے خلاف میچ میں ہماری ٹیم 11 دن میں کوئی میچ کھیلے بغئر میدان میں اترے گی جس وجہ سے ہمیں بہت پریکٹس کرنے کی ضرورت ہے لیکن کوشش ہو گی کہ وارم اپ میچ میں آسٹریلیا کے خلاف جو غلطیاں ہوئیں اسے دوبارہ نہ دہرائیں۔