Recently Finished
Live Cricket
Upcoming Matches
View All Matches

پاکستان ٹیم کی طرف سے ڈیبیو کرنے کے بعد سے اوپننگ بیٹسمین امام الحق کو چیف سلیکٹر انضمام الحق کی وجہ سے تنقید کا سامنا کرنا پڑ رہا ہے کیونکہ وہ انضمام الحق کے بھتیجے ہیں۔ امام الحق کی شاندار پرفارمنس کے باوجود پاکستانی شائقین کرکٹ انھیں ٹیم میں قبول کرنے کے لیے تیار نہیں ہیں اور ہر جگہ ان کے خلاف "پرچی، پرچی" کے نعرے لگائے جاتے ہیں۔
شدید تنقید کے باوجود امام الحق کی کارکردگی پر کوئی فرق نہیں پڑا اور انھوں نے پاکستان کے مڈل آرڈر بیٹسمین بابر اعظم کا ریکارڈ اپنے نام کر لیا ہے۔ امام الحق ون ڈے کیریئر میں 31 اننگز کھیلنے کے بعد پاکستان کی طرف سے سب سے زیادہ رنز بنانے والے بیٹسمین بن گئے ہیں۔
امام الحق نے 31 اننگز میں 1,486 رنز اسکور کر لیے ہیں اور انھوں نے یہ اعزاز آسٹریلیا کے خلاف 53 رنز اسکور کر کے اپنے نام کیا۔ اس سے قبل یہ ریکارڈ بابر اعظم کے پاس تھا جنہوں نے 31 اننگز میں 1,455 رنز بنائے تھے۔