Recently Finished
Live Cricket
Upcoming Matches
View All Matches

بھارت کے خلاف ملی شکست نے پاکستان کرکٹ ٹیم کو ورلڈکپ پوائنٹس ٹیبل کی نویں پوزیشن پر دھکیل دیا جبکہ اس شکست نے پاکستان کے سیمی فائنل میں پہنچنے کے سفر کو مزید کٹھن بنا دیا ہے۔ پاکستان کرکٹ ٹیم نہ صرف نویں پوزیشن پر موجود ہے بلکہ قومی ٹیم کا رن ریٹ بھی تمام ٹیموں کے مقابلے میں سب سے کم (منفی 1.933) ہے۔ پاکستان کو میگا ایونٹ میں مزید چار میچز ساؤتھ افریقہ، نیوزی لینڈ، بنگلہ دیش اور افغانستان کے خلاف کھیلنے ہیں۔
گرین شرٹس کو سیمی فائنل میں رسائی حاصل کرنی ہے تو چاروں میچوں میں اچھے مارجن کے ساتھ فتح حاصل کرنی ہو گی کیونکہ پوائنٹس حاصل کرنے کے ساتھ ساتھ رن ریٹ کو بھی بہتر بنانا ضروری ہے۔ ممکن ہے کہ سیمی فائنل کی چوتھی ٹیم کا فیصلہ رن ریٹ پر ہو۔ پاکستان اگلے چار میچز جیت کر 8 پوائنٹس حاصل کر سکتا ہے جس کے بعد پوائنٹس کی تعداد 11 ہو جائے گی۔
اس لیے ممکن ہے کہ پاکستان سیمی فائنل کیلئے کوالیفائی کر جائے مگر یاد رہے آسٹریلیا کو 12 پوائنٹس حاصل کرنے کے لیے چار میچوں میں دو فتوحات درکار ہیں جبکہ بھارت، نیوزی لینڈ اور انگلینڈ کی ٹیموں کو اپنے پانچ، پانچ میچوں میں تین میں کامیابی حاصل کرنی ہے اور اس صورت میں پاکستان کا سیمی فائنل میں کوالیفائی کرنا ناممکن ہے۔