Recently Finished
Live Cricket
Upcoming Matches
View All Matches

ساؤتھ افریقہ کی ٹیم ورلڈکپ میں پہلے ہی مشکلات کا شکار ہے اور اس کے بیٹسمینوں کا پاکستان کے خلاف ریکارڈ بھی کچھ زیادہ اچھا نہیں ہے لیکن ہاشم آملہ پاکستان کے لیے خطرہ ثابت ہوسکتے ہیں۔ ساؤتھ افریقہ کے تین اہم بیٹسمین کوئنٹن ڈی کوک، فاف ڈوپلیسی اور ڈیوڈ ملر کا پاکستان کے خلاف ریکارڈ اچھا نہیں ہے۔
ڈی کوک نے پاکستان کے خلاف 12 ون ڈے میچز کھیلے اور 34.91 کی اوسط سے 419 رنز بنائے۔ ڈیوڈ ملر پاکستان کے خلاف 21 ون ڈے میچوں میں 25 اوسط سے 376 رنز اسکور کر سکے۔
فاف ڈوپلیسی 16 میچوں میں پاکستان کے خلاف 459 رنز بنا سکے۔ ہاشم آملہ کا ریکارڈ پاکستان کے خلاف اچھا ہے اور وہ شاہینوں کے خلاف 24 میچز میں 3 سنچریوں کی مدد سے 1,045 رنز اسکور کرچکے ہیں۔