Recently Finished
Live Cricket
Upcoming Matches
View All Matches

پاکستان ٹیم کے بولنگ کوچ اظہر محمود نے کہا کہ کبھی مثبت رہنا بھی ضروری ہے، ہر وقت تنقید سے کھلاڑیوں پر بھی دباؤ آ جاتا ہے۔ ساؤتھ افریقہ کے خلاف میچ کے بعد پریس کانفرنس کرتے ہوئے کوچ مکی آرتھر نے کہا تھا کہ بھارت کے ہاتھوں شکست کے بعد وہ خودکشی کرنے کا سوچ رہے تھے۔
اس بات کا ملبہ اظہر محمود نے میڈیا پر ڈالتے ہوئے کہا کہ میڈیا تو کچھ بھی مثبت نہیں دکھاتا، صرف تنقید کرتا ہے۔ اظہر محمود نے مذاق میں جواب دیتے ہوئے کہا جب کوئی مثبت چیز نظر نہیں آئے گی تو خودکشی ہی کریں گے۔
بولنگ کوچ نے کہا کہ ہر ٹیم پر اچھا برا دن آتا ہے، شکست پر لوگوں کا مایوس ہونا غلط نہیں مگر کھلاڑیوں پر ذاتی حملے کرنا غلط ہے۔ اظہر محمود نے مزید کہا ہم ہر میچ کو فائنل سمجھ کر کھیل رہے ہیں۔