Recently Finished
Live Cricket
Upcoming Matches
View All Matches

انگلش اوپنر جیسن روئے ہیمسٹرنگ کا شکار ہونے کی وجہ سے پچھلے تین میچز نہیں کھیل سکے ہیں اور انگلینڈ کی ٹیم اچھا آغاز حاصل کرنے میں ناکام ہو رہی ہے۔ جیسن روئے کی جگہ ٹیم میں جیمز ونس کو اوپننگ کی ذمہ داری دی گئی جس میں وہ ناکام رہے۔
جیمز ونس نے افغانستان کے خلاف 26 اور سری لنکا کے خلاف 14 رنز بنائے جبکہ آسٹریلیا کے خلاف میچ میں بھی ان کی ناکامیوں کا سلسلہ تھم نہ سکا اور وہ صفر پر پویلین لوٹ گئے۔ انگلینڈ کی مینجمنٹ کے مطابق جیسن روئے اگلے میچ تک مکمل صحتیاب ہو کر ٹیم کو دستیاب ہوں گے۔
انگلینڈ کو سیمی فائنل تک رسائی حاصل کرنے کے لیے اگلے دو میچز لازمی جیتنا ہوں گے۔ واضح رہے کہ انگلینڈ کا اگلا میچ 30 جون کو بھارت سے شیڈول ہے۔