Recently Finished
Live Cricket
Upcoming Matches
View All Matches

محمد عامر ورلڈکپ میں شاندار پرفارمنس کا مظاہرہ کر رہے ہیں اور اسی پرفارمنس کی وجہ سے شائقین کے ساتھ ساتھ سابق کرکٹرز کی بھی ان سے توقعات بڑھ گئی ہیں۔ سابق کپتان وسیم اکرم نے امید کا اظہار کیا ہے کہ فاسٹ بولر محمد عامر وہی کردار ادا کرے گا جو 1992 ورلڈکپ میں انھوں نے نبھایا تھا۔
عامر کے حوالے سے انھوں نے مزید کہا کہ ان کی لائن لینتھ کافی بہتر جا رہی ہے، عامر کو ہمیشہ سپورٹ کیا کیونکہ معلوم تھا کہ اس کو وکٹ مل گئی تو ردھم واپس آ جائے گا۔
ان کا کہنا تھا کہ وہاب ریاض بھی اچھا پرفارم کر رہے ہیں اور پاکستان ٹیم کی اچھی کارکردگی دیکھ کر خوشی ہو رہی ہے۔ وسیم اکرم کا مزید کہنا تھا کہ پاکستان کرکٹ ٹیم کی ورلڈکپ میں صورتحال دیکھ کر 1992 یاد آ رہا ہے، 27 سال پہلے بھی ایسی ہی صورتحال تھی اور پاکستان ٹیم دوسروں پر بھی انحصار کر رہی تھی۔