Recently Finished
Live Cricket
Upcoming Matches
View All Matches

افغانستان کے خلاف میچ میں ہدف کا تعاقب کرتے ہوئے جب پاکستان کے اوپنرز اور مڈل آرڈر بیٹسمین ناکام ہوئے تو ایسی صورتحال میں عماد وسیم کو فاتحانہ اننگز کھیل کر ہیرو بننے کا موقع ملا جس کا آل راؤنڈر نے بھرپور فائدہ اٹھایا۔ انھوں نے پہلے بولنگ میں زبردست کارکردگی دکھائی اور دو کھلاڑیوں کو آؤٹ کیا۔
عماد وسیم مشکل حالات میں بیٹنگ کرنے کریز پر آئے تو انھوں نے ذمہ دارانہ کھیل کا مظاہرہ کر کے میچ کا پانسہ پلٹ دیا۔ سرفراز احمد کے آؤٹ ہونے کے بعد عماد وسیم نے شاداب خان کے ساتھ ذمہ دارانہ 50 رنز کی پارٹنرشپ بنائی جبکہ آخر میں وہاب ریاض کے ساتھ قیمتی 24 رنز جوڑ کر پاکستان کو میچ میں فتح دلائی۔
ناقابل شکست 49 رنز بنانے اور دو وکٹیں حاصل کرنے پر عماد وسیم کو میچ کا بہترین کھلاڑی قرار دیا گیا۔ اس موقع پر گفتگو کرتے ہوئے عماد وسیم نے کہا کہ جب وکٹ پر آیا تو اسپنرز کی بولنگ بالکل سمجھ نہیں آ رہی تھی جس کے بعد میں نے فیصلہ کیا کہ پورے پچاس اوورز کھیلوں کیونکہ جیت کا واحد راستہ یہی تھا۔