Recently Finished
Live Cricket
Upcoming Matches
View All Matches

وزیراعظم پاکستان عمران خان نے نئے ڈومیسٹک اسٹرکچر کی منظوری دے دی ہے جس کے بعد اب نئے سیزن میں ڈیپارٹمنٹل ٹیمیں ایکشن میں نظر نہیں آئیں گی۔ نئے نوٹیفکیشن کے مطابق حکومتی ڈیپارٹمنٹس نئے کرکٹ اسٹرکچر میں پی سی بی کو سپورٹ کریں گے۔
ملک میں سینکڑوں کھلاڑی ڈیپارٹمنٹ کرکٹ سے وابستہ ہیں اور کئی کوچز بھی ڈیپارٹمنٹ سے ہی اپنا روزگار حاصل کر رہے ہیں تاہم اس سال سے ڈیپارٹمنٹل کرکٹ کی بندش نے انھیں پریشان کر دیا ہے۔
کھلاڑیوں نے نام ظاہر نہ کرنے کی شرط پر بتایا کہ ڈیپارٹمنٹ کرکٹ بند ہونے سے وہ بےروزگار ہو جائیں گے اور ان کے پاس روزگار کا کوئی دوسرا راستہ بھی نہیں ہے۔ فرسٹ کلاس کرکٹرز کا کہنا ہے کہ کچھ کھلاڑیوں کو تو ریجنل ٹیموں میں ایڈجسٹ کر لیا جائے گا مگر اس نظام کی وجہ سے کھلاڑیوں کی اکثریت بےروزگار ہو جائے گی۔