Recently Finished
Live Cricket
Upcoming Matches
View All Matches

بیس سال تک ایک روزہ کرکٹ میں قومی ٹیم کی نمائندگی کرنے والے آل راؤنڈر شعیب ملک نے ون ڈے فارمیٹ سے ریٹائرمنٹ لے لی مگر بدقسمتی سے شعیب ملک کو الوداعی میچ نہیں مل سکا۔ انھوں نے اپنا آخری ون ڈے میچ بھارت کے خلاف کھیلا جس میں وہ صفر پر آؤٹ ہو گئے تھے۔ پاکستانی کھلاڑیوں نے بنگلہ دیش کے خلاف فتح کے بعد شعیب ملک کو گارڈ آف آنر پیش کیا۔
شعیب ملک نے پریس کانفرنس میں اپنی ریٹائرمنٹ کا اعلان کرتے ہوئے کہا کہ دو سال قبل ہی فیصلہ کر لیا تھا کہ ایک روزہ کرکٹ سے ریٹائرمنٹ ورلڈکپ 2019 کے بعد لوں گا۔ انھوں نے یہ بھی کہا کہ افسوس ہے کہ کرکٹ کے جس فارمیٹ سب سے زیادہ پسند کرتا تھا وہ چھوڑ رہا ہوں اور ٹی ٹوئنٹی پر زیادہ توجہ دوں گا۔
ان کہا کہنا تھا کہ ان تمام لوگوں کا شکرگزار ہوں جنہوں نے میرے 20 سالہ کیریئر میں مجھے سپورٹ کیا۔ شعیب ملک نے 14 اکتوبر 1999 کو ون ڈے کرکٹ کا آغاز کیا۔ انھوں نے 287 ون ڈے میچز میں پاکستان کی نمائندگی کرتے ہوئے 34.55 کی اوسط سے 7,534 رنز بنائے اور 158 وکٹیں حاصل کیں۔