Recently Finished
Live Cricket
Upcoming Matches
View All Matches

ورلڈکپ کے دوران ایک برطانوی اخبار نے انکشاف کیا کہ آسٹریلوی کرکٹ ٹیم توہم پرستی کا شکار ہے اور میچز سے پہلے آسٹریلیا کے کھلاڑی ننگے پاؤں گراؤنڈ کا چکر لگاتے ہیں۔ آسٹریلوی ٹیم کا ماننا ہے کہ ایسا کرنے سے انھیں کامیابی ملتی ہے۔
رپورٹ کے مطابق آسٹریلیا کے کوچ جسٹن لینگر نے گزشتہ دنوں ورلڈکپ کے ایک میچ کے دوران ٹیم کو ننگے پاﺅں گراﺅنڈ میں ایک دائرے کی شکل میں بٹھائے رکھا۔
جسٹن لینگر سے جب اس حوالے سے پوچھا گیا تو انھوں نے اپنے توہم پرست ہونے کا اعتراف کیا۔ ورلڈکپ کے سیمی فائنل میں آسٹریلیا کے چھوٹے ہدف کے تعاقب میں انگلینڈ نے شاندار آغاز کیا تو مائیکل وان نے توہم پرستی پر ٹویٹ کر ڈالا۔
مائیکل وان نے کہا کہ آسٹریلیا کو ننگے پاؤں بولنگ کرنی چاہیے جس پر آسٹریلیا کے سابق وکٹ کیپر ایڈم گلکرسٹ نے مائیکل وان کو احمق قرار دے دیا۔ کیون پیٹرسن نے بھی کینگروز پر طنز کرنے کیلئے کچھ ایسا ہی ٹویٹ کیا لیکن بعد میں ڈیلیٹ کر دیا۔
#ICC Cricket World Cup 2019#Australia#England