ورلڈکپ میں شاندار پرفارمنس کے بعد قومی ٹیم کے فاسٹ بولر محمد عامر نے نیا ہدف سیٹ کر لیا ہے۔ محمد عامر کا کہنا ہے کہ فارم اور فٹنس پر کام کرنے سے ردھم واپس آ گیا، اب بولنگ اسپیڈ میں اضافے کے لیے پرامید ہوں۔ انھوں نے کہا کہ گزشتہ 2، 3 سال سے مسلسل کھیل رہا تھا اور تھکاوٹ کا شکار رہا۔ ان کا کہنا تھا کہ فارم اور فٹنس پر کام کرنے سے ردھم واپس آیا اور ورلڈکپ میں عمدہ کارکردگی کا مظاہرہ کرنے پر خوش ہوں۔ محمد عامر نے مزید کہا کہ وکٹیں مل رہی ہوں تو اسپیڈ میں بہتری لانے کیلئے بھی حوصلہ بڑھتا ہے، ہر فاسٹ بولر کی کوشش ہوتی ہے کہ تیزرفتار بولنگ کروائے۔ انھوں نے کہا کہ ٹی ٹوئنٹی کرکٹ میں کفایتی بولنگ کی بڑی اہمیت ہوتی ہے، ڈاٹ بال زیادہ کروانے میں کامیاب ہوں تو وکٹیں بھی ملتی ہیں اور اسی حکمت عملی کے تحت بولنگ کرتا ہوں۔
