Recently Finished
Live Cricket
Upcoming Matches
View All Matches

انگلینڈ اینڈ ویلز میں ہونے والے ورلڈکپ میں بھارتی ٹیم سیمی فائنل میں نیوزی لینڈ سے ہار گئی تھی جس کا ذمہ دار سابق کپتان مہندر سنگھ دھونی کو ٹھہرایا جا رہا ہے۔ بھارت میں یہ مطالبہ زور پکڑ رہا ہے کہ دھونی کو کرکٹ سے ریٹائر ہو جانا چاہیے جبکہ اطلاعات کے مطابق دھونی بھی اپنے مستقبل کا فیصلہ چند روز میں کر لیں گے۔
چنائی سپر کنگز کی ٹیم انتظامیہ نے اعلان کیا ہے کہ اگر مہندر سنگھ دھونی نے ریٹائرمنٹ کا اعلان کیا تو وہ صرف انٹرنیشنل کرکٹ سے الگ ہوں گے اور آئی پی ایل کھیلتے رہیں گے۔ مہندر سنگھ دھونی آئی پی ایل میں چنائی سپر کنگز کی قیادت کرتے ہیں۔
بھارتی میڈیا کی رپورٹس کے مطابق مہندر سنگھ دھونی کو دورہ ویسٹ انڈیز کے لیے ٹیم سے ڈراپ کیے جانے کا امکان ہے جبکہ ویرات کوہلی اور جسپریت بمراہ کو آرام کی غرض سے ٹیم میں منتخب نہیں کیا جائے گا۔