Recently Finished
Live Cricket
Upcoming Matches
View All Matches

وزیراعظم عمران خان اس وقت سرکاری دورے پر امریکہ میں موجود ہیں جہاں انھوں نے پاکستانی کمیونٹی سے خطاب کرتے ہوئے قومی ٹیم کی بہتری پر بھی بات کی۔ وزیراعظم نے کہا کہ ورلڈکپ 2019 میں قومی ٹیم توقعات پر پورا نہیں اتر سکی مگر اگلے ورلڈکپ کیلئے بہترین ٹیم تیار کریں گے۔
ورلڈکپ 1992 کی فاتح ٹیم کے کپتان عمران خان نے کہا کہ میں نے پوری دنیا میں کرکٹ کھیلی ہے مگر پاکستان میں جو ٹیلنٹ دیکھا وہ اور کہیں دیکھنے کو نہ ملا مگر صرف ٹیلنٹ سے ٹیمیں ورلڈ چیمپئن نہیں بنا کرتیں بلکہ بہتر سسٹم بھی ضروری ہوتا ہے۔
انھوں نے کہا پاکستان میں میرٹ کا سسٹم ٹھیک نہیں، یہی وجہ ہے کہ ہم دوسری ٹیموں سے پیچھے ہو گئے ہیں۔ عمران خان نے مزید کہا کہ سسٹم اور بہترین ٹیلنٹ کی بنیاد پر اگلے ورلڈکپ کی ٹیم تیار کریں گے۔